قبل ا لفراق ...وقبل ماتروحين

قبل الفراق وقبل ماانتي تروحين
وقبل الوداع وقبل تصبح بعيده
بكتب من الأحزان والهم بيتين
وارجو المعذره كان طولت القصيده
يابنت انا مثل ماانتي تعرفين
حبيبك اللي ساكنه في وريده
حبيبك اللي يذكرك لو تناسين
يفديك بالروح وما تملك ايده
لو تبعدين أيام وشهور وسنين
غلاك ماينقص يزيد برصيده
يابنت لاصرتو على الهجر ناوين
الله يهنيك بحياة سعيده
أكيد بأسعد لاغديتو سعيدين
بأضحك وبأفرح لو بقلبي وقيده
عدي هوانا مثل حلم تحلمين
وأبدي مع غيري حياة جديده
والله ماعاد أدري ألاقيها من وين
منك وألا من ظروف الزمان العنيده
وقبل النهايه بسألك بس سؤالين
حب جمعنا!!كيف؟ ويمكن؟ نعيده
وختامها اما تعودي ونرجع حبيبين
والا الفراق وامسحي كل القصيده

لمـار )
فـز الكـون لجلـك وحيـاك
واستقبلـك بالـورد والمسـك والعـود
( ماي الذهب )
يرسم معانـي حلايـاك
ويطبع .. بقلبـاً فـي ملاقـاك موعـود
ساعـة سكنتـ فيـه والتـف بحمـاك
عـاش الآمـان ابـلا معاييـر وحـدود
حتى السحاب من الفرح جـاد وأعطـاك
هتانه البـارد ..مـن الفرحـة شهـود
فجـر العمـر يكمـل ابسمـة محـيـاك
يا أجمل .. عطايا .. رب الأرباب والجود
تحيااااااااااااااااتي
همس القلوب