الدكتور والحِمار.. صدقنى مش حتندم لما تدخل

بسم الله الرحمن الرحيم
جبتلكم قصه ان شاء الله تعجبكم مش حطول عليكم هى كالاتى:
دخل احد المرضى عياده دكتور نفسى
وجلس فى العياده وعندما حان دوره قام بالدخول
واستقبله الدكتور احسن استقبال وحيث دار الحديث بينهم كالاتى
الدكتور: اهلا وسهلا بيك. خير مالك؟
المريض : والله يا دكتور انا بشتغل فى بيزنس كده مع نفسى ولكن عصبيتى دمرته
بسبب سوء معاملتى للموظفين والشركه مافيهاش موظفين الان وبقيت عاطل
الدكتور: وايه كمان؟
المريض: وحتى مراتى مستحملتنيش وطلبت الطلاق ومن كتر عصبيتى طلاقتها مع انى بحبها
الدكتور : وايه كمان؟
المريض : انا بقيت مخنوق اوى من حياتى وبفكر انى انتحر
الدكتور: وايه كمان؟
المريض : ايه يادكتور انت علقت ولا ايه كل شوايه و ايه كمان و ايه كمان خنقتنى
الدكتور : اهدئ بس كده واسترخى انا حسألك شوايه اسأله وتجاوب عليا بدون نقاش موافق
المريض : موافق يادكتور وانجز بقى بسرعه لانك ممل اوى
الدكتور: حاضر ياسيدى ادى اول سؤال انت بتتكلم؟؟
المريض : ايوه بتكلم طبعا . انت اعمى ولا ايه مش شايف انى بتكلم مش اخرس.
الدكتور: ياسيدى براحه عليا شوايه انت هتضربنى انا قولتلك انا حسأل اسأله وتجاوب من غير نقاش وانت وافقت صح.
المريض : ايوه ياسيدى وافقت بس مكنتش اعرف ان دكتور غبى اوى كده واسألتك اغبى منك اتفضل ياسيدى كمل اما نشوف اخرتها ايه معاك ها
الدكتور: انت انسان ولا حيوان؟
المريض: والله مافى حيوان غيرك ياشيخ روح الله يحرقك نفسى اعرف بس انت تخصصك ايه طب بشرى ولا حميرى
الدكتور: متشكر ياسيدى ممكن تجاوب على سؤالى بقى.
المريض: اجاوب على سؤالك ده ايه انت مجنون مش قادر تميز ان اللى ادامك ده انسان
الدكتور: يعنى انت انسان مش حيوان
المريض: والله ياشيخ انا شكلى مش حطلع من عيادتك دى الا لما اركبلك ديل ان شاء الله
الدكتور: استرخى بس وجاوب على اسألتى من غير نقاش ماشى
المريض : حاضر ربنا يصبرنى على مابلانى انا اللى غلطان من الاول والله
الدكتور: انت ليك اخ من فصيله الحمير؟
المريض: حمار ايه ياغبى ياحمار انت انت شايفنى باكل برسيم ولا جيلك من اسطبل ياحيوان انت
الدكتور: جاوب وبس من غير غلط اذا سمحت.
المريض: اجاوب ايه اوعى من ادمى خلينى اخرج من هنا قبل ما اقتلك وادخل فيك السجن.
الدكتور: عشان خطرى بس جاوب
المريض : لا يا اخويا محصلناش الشرف مليش ومليش اخوات اصلا
الدكتور : دلوقتى بس انا عرفت انت ليه بتتعصب دايما كده
المريض : وياترى ليه بقى يا اخويا
الدكتور: لانك الحمار الوحيد فى الاسره عشان كده دايما بترفس فى وشهم
المريض فى هذه الاثناء قام بضرب الدكتور ولكن سرعان ما الممرضيين
دخلوا ولحقوا الدكتور من ايد المريض
واعطوا له حقنه مهدئه للاعصاب
واسترخى المريض وبداء يتحدث معه الدكتور واحده واحده
ويفهمه سبب طرحه لهذه الاسئله الذى يراها المريض سخيفه وغبيه
فقال لله الدكتور: انت قولت ليا انك بتتكلم ولست حيوان وليس لديك اخوه من فصيله الحمير
المريض : تانى
الدكتور: خليك بس معايا واسترخى, سبب اسألتى هو الاتى:
ان الحِمار من الحيوانات ليس يتحدث وانما عندما يريد شئ دائما يزعجنا بصوته وهو ايضا من انكر الاصوات
وعند غضبه يقوم بالرفس وما شبه ذلك
المريض : صح
الدكتور: كذلك تفعل انت فى عصبيتك وتحدثك مع الاخرين تزعجهم مما يجعلهم يشبهونك بالحِمار داخل انفسهم
فعندما يشتد غضبك وعصبيتك تذكر دائما انك لست حِمارا
ولا تفعل ماتفعله لانه من مميزات الحِمار فقط وان انكر الاصوات واسوء الافعال هى افعال الحِمار
وابقى اعمل اى شئ تانى يا اخى اخرج مثلا اتمشى فى الهواء
ولما تهدئ ابقى ارجع للمكان اللى كنت فيه خلاص اتفقنا.
المريض : اتفقنا يادكتور ومتشكر اوى على اللى عملته معايا واسف انى ضربتك بس انت اصلك كنت حمار اوى فى الاول
الدكتور: احنا قولنا ايه وبعدين معاك
المريض متأسف اوى يادكتور معلش نسيت متزعلش
الدكتور : ولا يهمك ياسيدى خلاص محصلش حاجه


وشكر المريض الدكتور وفعل ماقاله الدكتور
حتى اصبح مسيطرا تماما على نفسه ونجح فى عمله
واصبح من كبار رجال الاعمال فى مجاله ومن انجحهم
وعادت له زوجته وانجب الكثير من الاطفال
وكان الدكتور صديقا مقربا له وللعائله
وصارت حياه المريض من اسعد الحياه
وذلك بفضل الله وهذا الدكتور الناجح
.
.
دمتم بود

السلام عليكم

يسلمووو اختي الغالية ..مغروره..

على قصة رئع

تحياتي.بنت الزهراء علية السلام

تسلمي يالغلا على القصة الحلوه