مسكين مفلح مالقى له وظيفه
مسكين مفلح مالقى له وظيفه * وظيفته عد الشوارع بالأمتار
رجال لكنه عجز عن صحيفه * شهادته فيها دواوير واصفار
والوقت هذا مايقدر ضعيفة * دينار يسري به ويضويه دينار
ومفلح فقير والمواسم كليفه * واسواق مكة كلها أسعارها نار
يبغى الزواج ولاتوافق لطيفه * ماعندها استعداد تسكن مع الجار
تبغى مثل قوم القصورالمنيفه * ماودها تعلق ثيابه ف مسمار
والا تبا زوج ثيابه شفيفه * خده شبر وعيونه دعاج وكبار
تبغاه حتى لو عيونه كفيفه * لو انه حمار وابو جده حمار
ومفلح يدور مالقى له رغيفه * لاهو ولد تاجر ولاهو بسمسار
رجال عيبه بس يده عفيفه * مامدها في موقف الذل والعار
وده يحصل له وظيفه نظيفه * وكل الوظايف دونها أرقام وأسرار
مسكين مفلح كل وقته خريفه * هذا اذا مفلح لقى ظل واشجار!!
والاترى مفلح علومه ظريفه * وافي مع الوافين وان صار ماصار
مايشرب الا لين يشرب رديفه * ولاياكل الا لادعا صاحب الدار
سوالفه ماهي سوالف خفيفه * وحكايته فيها مواعظ وتذكار
تعب يدور له حياة شــــريفه * ويعف نفسه عن مخاواة الاشرار
وبعد التعب قالوا:بنى له سقيفه* واخذ معه دله قديمه ومزمار
وعقبه:سمعت انه لقى له وظيفه * محجوزة في عنبر ثنين بشهار
الإثنين مايو 03, 2010 5:42 pm