يا صابر الصبر شوف الصبر وداك لفين
ونولـــــــت منه ولا لسه فاضل خطـوتين
رد أيـــوب: الصبر آخره الرضا مكــتوب
وكــــــــــل شيء مكتوب في كتاب مـبين
وآه
قالوا الفـــتن في الأرض كـــل يوم بتــزيد
إيشي طائفي وإيشـي عنصري وبإيه يفـيد
ديني أو لوني أو نوعي ما دمت أنا إنسان
ولا نسيتوا ياخــــــــــلق إننا كلنا عـــــــبيد
وآه
* * *
سجين كفيف في زنزانه عتمه وحـر نـــــار
محكوم عليه يقضي باقي عمره في الانتظار
بصيص أمــــــــل جاي من بعيد ماشـــفوش
عماه ويأسه رمـــــــــاه في حضن الانــتحار
وآه
* * *
قالوا الحياه زهزها سيــجاره وكـــــاس
والكل عايش فيها كـــمـــا الرقـــــــــاص
غني.. فــــــــقير.. زمـــار.. كـــله ماشي
بس يا خساره ماشي في الطريق ينداس
وآه
* * *
حياتي بطريقتي هكمل واعيشـــها
ولو حتى كانت صعبه في معـيشــها
طريقـي ودربي لا يمــــكــن هســيبه
ولو خـوفوني بـــــــدولـه وجيـــشها
وآه
على بعد خطوه واحده م البدايه وقــــــــــفـت
من خوفى لاوصل للنهايه ولا لأني ضـــعفت
باسأل ســــــــــؤال مالهوش إجـــابه مؤكـدة
بالرغم إن كل ســـــؤال وله جـواب عــرفت
وآه
* * *
حرية الرأى مكفولة من زمان فى كل كتاب ودين
والأمر شورى مــن أيـــــام محمد آخر المرسلين
يعنى أنا أتشجع و أقول كل اللى جوايــا ولا أخــاف
من المحاضر والقضـايا والحبس ويـــا المجرمين
وآه
* * *
أنا من زمان وأنا خايــــــــــف لابـوح بالسِّـــر
أحزان . هموم. غضب. وحالي عمره ما سَــر
أسكت والا أقـــــــــــول وأحكي عــن بـــــلوتي
ولا الكلام ما يفـــــــــــــــــيد للي ابتلى بــــالمر
وآه
أنا المــــــصري الأصيـــل كريم العنصـــــــرين
وجــــــدي كان ميـــنا موحد القطــــــــــــــــرين
ماكنش مسلم ولا كان مسـيحي ده كان فرعون
يعنــــي الأرض دي ملـــك لجــــميع المؤمــنين
وآه
ياللـــي عـــرفت في يوم معنى التحدي والإراده
وبقيـــت بطل مشهور ونمره واحد في الرياضه
إيه اللــــــــــي خـــلاك تسيب عــــرين الأسـود
مع إن ده مــــــــــكانك ودي صـفاتك م الولاده
وآه
الجمعة مارس 26, 2010 10:06 pm