في ايامنا هذة نرى تزايد في اعداد البنات الغير متزوجات ( يعني العوانس بين قوسين ) وذلك صعوبة زواج الشباب ....... وانا واحد من هولاء الشباب ... فقد تعدى عمري 30 عاما مع اني متخرج من جامعة محترمه واعمل عمل محترم جدا ...ولكن طلبات البنات هالايام ما شاء الله ... ما تقبل الا تكعد ببيت لوحدهه لان ما تتحمل العماية (ام زوجهه ) وتريد ذهب بـ كذا مليون ...وتريد رجال يشبه مهند شاد وصلة ...واني بدوري انصح البنات واهلهن .. يا بنات دورو الستر ترة ماكو احسن من الستر .....ومن الاسباب الاخرى واللي اني شايفهه بعيني ان اغلب البنات ما يعرفن شلون يضربن مكياج ويعدلن روحهن ... يعني هية سمرة وتختار مكياج مال شقرة لو العكس هم مرات صحيح فالشاب من يريد يتزوج لازم يختار وحده تغريه بشكلهه وبجمالهه ... ...لان الله جميل ويحب الجمال .. فهذي هي اهم اسباب تاخر الزواج للنساء وهي نفس اسباب عزوف الشباب عن الزواج لان اول كلمه يكولهه المهر غالي وتريد بيت وسياره وفوك القهر هية جكمة ( مو حلوة ) وتفيك عليه ... واخير حجايه يكولهه للي ينصحه بالزواج ( يمعود لا تخلي علاكه بركبتي ) ...الله يكون بعون الشباب .. واخر نصيحه اقدمهه للبنات . كولن يا الله وجلبي برجال احسن ما تعنسين ههههههه.. مع تحياتي لصبايا ولحد يزعل من الموضوع هذا يبنات
الجمعة يونيو 01, 2012 2:42 am